جزل المعاني شاقها راعي الكيف |
أبيات شعر(ن)شاقت اللي كتبها |
أمست ترازم والقوافي معاطيف |
في ضامر اللي مفرداته ندبها |
سبحان من هو دايم بخلقه مريف |
أرزاق قاسمها لخلق(ن) وهبها |
سبحان مجريها بيده التصاريف |
الكون كل وماحوامحتسبها |
اليوم جاك العلم مااحتاج توصيف |
بعض المعاني اليوم لا تغتربها |
راع ألفلاحه يزرع اليوم بالريف |
واليا أثمرت للسوق راح وجلبها |
وهناك شفت اللي عايش على الطيف |
و يقول يا عزاه روحي نهبها |
أسباب ما به قال بعدالمواليف |
يسمع لبعض الهرج وهمه طربها |
وهناك شفت دموع فيهاسواليف |
تشكي وتخفي الدمع لأحد(ن)قربها |
دمعة يتيمنا غربلته الصواديف |
فقدان اعز الناس روحه تعبها |
اليوم راع العرف أمسى ولا شيف |
وأهل الجهل للنار جابواحطبها |
كلن بحاله داله اليوم يا منيف |
والناس من يدرك رضاهاوطلبها |
حبل الصلة مقطوع بكل التحاريف |
بأسباب أمور(ن)ماخفت من دربها |
وأمسى كبير السن ما له معاريف |
ولا عاد له مقدار قبلت عربها |
للوالدين حقوق فرض(ن) وتعريف |
وياسعدمن هوطاعةالله كسبها |
مخلوق ياابن ادم من الطين وضعيف |
ودنيا ممر ماهي مقر لعربها |